Айгүл Әділова «Хабар 24» арнасының директоры болып тағайындалды. Бұған дейін телеарнаның директоры Динара Бисембина болған еді.
Айгүл Әділова – белгілі тележурналист. Ақтөбеде дүниеге келген. Алматы экономика және статистика академиясын бітірген.
Ол «Бірінші Еуразия» және «Астана» телеарналарында қызмет еткен. Сонымен қатар «Хабар» арнасында жаңалықтар және аналитикалық бағдарламалар директоры болды. Журналистік зерттеу бөлімінде жетекші болып та қызмет етті.
