Ғарышкер Instagram-дағы парақшасында фотолар топтамасынан видео жариялады.
Біз #ПоЗаявкам айдары және ғарыштан түсірілген фотолар топтамасын жалғастырамыз. Мальдив аралдары! Келесіде не ұсынайық? – деп жазды ғарышкер Олег Артемьев.
Сынақ-ғарышкердің әлеуметтік желідегі оқырманы бейнероликті өте жақсы бағалады. Біразы Мальдив аралдарын видеодан көріп, әдемілігіне таңданып жатыр.
«Сұлулық!»
«Ал ғарыштан Мальдив аралдары медузаға ұқсайды»
«Өте әдемі, рақмет, Олег! Шпицберген, Франц Йозеф жері және Солтүстік полюстің фотоларын күтеміз.
Сонымен қатар желі қолданушылары Олег Артемьевке өз ұсыныстарын айтып жатыр.
Олег Артемьев бірқатар фотоларды Telegram-дағы каналына да жариялады.
Бұған дейін ғарышкер Олег Артемьев Балқаш көлін, Каспий мен Арал теңіздерін және Ақтауды ғарыштан видеоға түсіріп, «ғарыш тортын» да көрсеткен еді.
