Орталық референдум комиссиясының төрағасы референдумға 11,7 миллионнан астам қазақстандық қатыса алатынын еске салды.
Орталық сайлау комиссиясы ұсынған хаттамалар негізінде жалпыхалықтық дауыс берудің нәтижелері белгіленді. ОСК мәліметінше, референдумға барлығы 7 985 769 қазақстандық немесе халықтың 68,05%-ы қатысты. Азаматтар мынадай дауыс берді: түзетулерді «жақтап» – 77,18% немесе 6 163 516 адам; «қарсы» – 18,66%, немесе 1 490 470 адам; екі нұсқа бойынша – 1,58% немесе 125 859 адам; белгіленбеген нысандағы немесе сайлаушының еркін белгілеу мүмкін емес бюллетеньдер – 2,58% немесе 205 924.Нұрлан Әбдіров
Орталық референдум комиссиясының төрағасы республикалық референдумға шығарылған Конституцияға өзгертулер мен толықтырулар, егер дауыс беруге қатысқан азаматтардың жартысынан астамы жақтап дауыс берсе, қабылданды деп есептелетiнiн айтты.
«Республикалық референдум туралы» Конституциялық заңның 31, 34-баптары негізінде еліміздің негізгі заңына ұсынылып отырған өзгерістер қабылданды деп есептеледі. Референдумда қабылданған шешім міндетті және актілермен қосымша растауды талап етпейді. Конституцияға референдумда қабылданған өзгертулер мен толықтырулар референдум қорытындысы туралы ресми есеп жарияланған күннен бастап күшiне енедi.Нұрлан Әбдіров
