Қайтыс болған әкемнің шотынан 7 миллион теңге мұраға қалды. Мен бұл ақшаны БЖЗҚ-дағы шотыма салып, оған есептелген инвестициялық кіріспен бірге зейнетақы ретінде пайдалана аламын ба, – деп сұрады салымшы.
БЖЗҚ мамандарының түсіндіруінше, міндетті зейнетақы жарналары (МЗЖ) – агенттер (жұмыс берушілер, жеке кәсіпкерлер, жеке практикамен айналысатын тұлғалар) міндетті түрде төлеуге жататын ақша. МЗЖ-ны есептеу объектісі қызметкердің айлық табысы болып саналады.
Мұрагерлік зейнетақы жинақтары қызметкердің табысы емес. Осыған байланысты МЗЖ есептеу үшін мұраға қалған ақшаны жеке зейнетақы шотына (ЖЗШ) сала алмайды. Дегенмен, сізде бұл соманы басқа ЖЗШ-ға ерікті зейнетақы жарналары (ЕЗЖ) түрінде салу мүмкіндігі бар, оны жеке тұлғалар өз пайдасына және өз бастамасы бойынша төлей алады. БЖЗҚ
Осылайша, мұра ретінде алынған ақша сомасы БЖЗҚ-ға ерікті зейнетақы жарналары ретінде ғана енгізілуі мүмкін.
Бұл ретте ЕЗЖ шотын ашу қажет емес, өйткені бұл функция БЖЗҚ жеке тұлғадан оның пайдасына немесе жарналарды аудару кезінде үшінші тұлғаның пайдасына алған бастапқы жарна негізінде іске асырылады.