Қарағанды зообағы қос өркешті түйелерді Қырғызстанның «Бугу-эне» қоғамдық қорына беріп, орнына Түркістан сілеусіндерін алдырған. Сілеусін ұрғашысының аты –Жұлдыз, еркегі — Тенгиз.
Сарапшылардың пікірінше, бұл жануарлардың тіршілік ету ортасы — орман, дала, жартасты жер, тау бөктері.
Мұндай кіші түр біздің хайуанаттар бағына алғаш рет әкелініп тұр. Жыртқыштар жақсы өсіп, ұрпағын жалғастырады деп үміттенеміз. Бұл жануарлардың жетілуі үш жаста, ал өмір сүру ұзақтығы -15-18 жыл.Қарағанды хайуанаттар бағының баспасөз қызметі
Бұған дейін «Көлсай көлдері» мемлекеттік ұлттық паркінде Түркістан сілеусіні видеоға түсіп қалғаны хабарланған еді.