Түйіршіктелген қант жан басына 4,5 келіден болды. Бұл 2021 жылдың қаңтар–наурыз айларымен салыстырғанда 7,2% артық. Елдегі құмшекердің айлық тұтынылуы жан басына шаққанда шамамен 1,5 келі болды, деп жазады Еnergyprom.kz.
Құмшекерден бөлек елімізде балмұздақ (жылына 2,6%) пен шоколад та (0,5%) көп сатып алынған.
Рафинад қантты тұтыну 27,6%, жан басына шаққанда 113 граммға дейін төмендеді. Тосап және джем (27,4%, 547 граммға дейін), сонымен қатар шоколад жалатылған кәмпиттер (11,2%, 687 граммға дейін), бал (0,3%, 293 граммға дейін) және басқа да тәттілерді (2,8%, 3,7 кг-ға дейін) тұтыну төмендеді.
2022 жылдың бірінші тоқсанында қант, джем, бал, шоколад және кондитерлік өнімдерді ең көп тұтыну Алматы (Орта есеппен жан басына шаққанда 12,46 келі) және Түркістан (11,28 келі) облыстарында, сонымен қатар Алматы қаласында (11,27 келі) тіркелді.
Ең төменгі көрсеткіштер Шымкент (6,9 келі), Атырау (7,95 келі) және Шығыс Қазақстан (8,52 келі) облыстарында байқалды.
ҚР Ұлттық статистика бюросының мәліметі бойынша, биыл мамыр айының қорытындысы бойынша қалаларда 1 келі құмшекердің бағасы 439 теңге болды.
Ең қымбат қант:
Алматыда — 463 теңге,
Қарағандыда — 461 теңге,
Атырауда — 460 теңге.
Ең арзан қант:
Петропавлда — 401 теңге,
Ақтауда — 397 теңге,
Ақтөбеде — 378 теңге.
