2022 жылдың 1 тамызындағы жағдай бойынша 9077 этникалық қазақ тарихи отанына оралып, қандас мәртебесін алды. Жалпы 1991 жылдан бері республикаға 1 миллион 96,9 мың этникалық қазақ оралды.Еңбек және халықты әлеуметтік қорғау министрлігінің баспасөз қызметі
Еңбек министрлігінің мәлімдеуінше, биыл жыл басынан бері Қазақстанға келген қандастар:
69,9%-ы – Өзбекстаннан;
10,3%-ы – Қытайдан;
7,1%-ы –Түркіменстаннан;
4%-ы – Моңғолиядан;
8,7%-ы – басқа елдерден.
Келген этникалық қазақтар негізінен Алматы (30,8%), Маңғыстау (17,9%), Түркістан (9,7%), Жамбыл (6,5%) облыстарына, сонымен бірге Алматы мен (5,7%) Нұр-Сұлтанға (7,2%), Шымкентке (8%) қоныстанды.Еңбек және халықты әлеуметтік қорғау министрлігінің баспасөз қызметі
Сонымен қатар Еңбек халықты әлеуметтік қорғау министрлігі биыл 1 тамызындағы жағдай бойынша еңбекке қабілетті жастағы этникалық көшіп-қонушылардың саны 60,5% болғанын, ал 26,2%-ы еңбекке жарамды жастан кіші екенін және 13,3%-ы зейнеткерлер екенін айтты.
Еңбекке қабілетті жастағы қандастардың білім деңгейі бойынша 11,8%-ының білімі жоғары, 39,8%-ының білімі орта арнаулы, 46,7%-ының білімі жалпы орта, 1,6%-ының білімі жоқ.Еңбек және халықты әлеуметтік қорғау министрлігінің баспасөз қызметі