Осынау атаулы күні елімізде көрме, конференция, шығармашылық кеш және тағы басқа түрлі іс-шара ұйымдастырылады.
Мысалы, Нұр-Сұлтандағы Ұлттық академиялық кітапхана мен Алматыдағы Ұлттық кітапхана ғимараттарының алдындағы алаңда сағат 11.00-де ғылыми-шығармашыл зиялы қауым өкілдерінің, қос астана тұрғындары мен қонақтарының қатысуымен Ұлы ақынның шығармаларына арналған поэзия кеші өтеді.
Сонымен қатар республикалық музейлер (Орталық мемлекеттік музей, Ә. Қастеев атындағы Мемлекеттік өнер музейі және Ұлттық музей) Абай күніне орай іс-шаралар өткізеді. Атап айтқанда, музей қорындағы жәдігерлер негізінде Абай Құнанбайұлының шығармашылығына арналған дәрістер ұйымдастырылады.
Ұлы ақынның рухани әлеміне арналған түрлі іс-шаралар еліміздің өңірлерінде де жоспарланған.
Мәдениет және спорт министрлігінің хабарлауынша, іс-шараларға Нұр-Сұлтан және Алматы қалаларының шығармашылыққа баулитын мектептер оқушылары, жастар қатысады. Оған қоса дәрістер музейлердің әлеуметтік желілердегі парақшаларында жарияланады.