Алматы хайуанаттар бағындағы жаңалық 6 қыркүйекте белгілі болды: Хан және Сұлу жираф жұбында сәби дүниеге келді.
Осыған орай хайуанаттар бағы әкімшілігі желі қолданушылары арасында атау таңдауға конкурс жариялады.
20 күннен кейін сәбиге Сұлтан есімі қойылғаны белгілі болды.
Біз ұзақ талқылаулар мен пікірталастар жүргізгеннен кейін кішкентай керігімізге ат таңдадық. Ат таңдауға зообағымыздың барлық қызметкері атсалысты. Жануарға дұрыс есім беру маңызды. Өйткені ол атына заты сай болуға тиіс. Әкесі - Хан, анасы - Сұлу, әпкесі- Ханзада екенін ескеріп, біз оған Сұлтан деген ат бердік. Сіздерге біздің таңдауымыз ұнады ма? Пікірлеріңізді күтеміз,- деп жазды Алматы хайуанаттар бағы.
