Ол жеке сәйкестендіру нөмірін алу үшін шетел азаматтарына төлқұжаттың түпнұсқасы ғана қажет екенін атап өтті. Бір жұмыс күні ішінде беріледі.
Бейрезиденттерге ЖСН беру еңбек шартын жасасу, қызмет көрсету үшін қаражат алу, әкімшілік жауапкершілікке тарту, салық есептілігін жасау, түрлі банктік және басқа операцияларды жүргізу үшін қажет. Қазақстан Республикасы Цифрлық даму, инновациялар және аэроғарыш өнеркәсібі вице-министрі Әсет Тұрысов
Вице-министр шетел азаматы төлқұжатының түпнұсқасын ұсынбаған жағдайда, ЖСН берілмейтінін айтты. Бірақ ХҚО-да мұндай жағдайлар әлі болған жоқ.
"Азаматтарға арналған үкімет" мемлекеттік корпорациясының басқарма төрағасы Сүйеніш Әбділдин жыл басынан бері халыққа қызмет көрсету орталықтарында резидент еместерге ЖСН беруге 320 мыңнан астам өтініш қабылданғанын, оның 97 мыңы Ресей азаматтарынан түскенін мәлімдеді.
Кеше ғана осындай 13 мыңнан астам өтінішті қабылдадық. Бірақ ортақ түсіністік бар екенін атап өткім келеді. Бірінші кезекте – Қазақстан азаматтары. Барлық ХҚКО қалыпты жұмыс істеп тұр. Келушілер көбейгендіктен, біз басқа елдерден келген азаматтарға күшейтілген тәртіпте қызмет көрсететін сегіз халыққа қызмет көрсету орталығын бөлдік», – деді Әбділдин.