Zakon.kz редакциясына Қазақстанның түкпір-түкпірінен интернетке қатысты көптеген шағым түсті.
Бүгін қаңтар қайтып келгендей, ештеңе істемейді. Интернет үйде де, смартфонда да ұстамайды, - деді тұрғындар.
Beeline қолдау қызметі бүкіл Қазақстан бойынша желі құлап кеткенін, себебі әлі белгісіз екенін айтады.
Жылдамдық жоқ, сондықтан әрең істейді, - деді олар.
Бұл кейінгі күндері болған бірінші жағдай емес. 21 қыркүйекте Beeline-нан интернет байланысы үзіліп қалды.
Сонда Beeline бұл ақау олардың кінәсі емес, барлығы "Алатау" ақпараттық технологиялар паркі аумағындағы оптикалық кабельдің үзілуінен екенін айтты. Үзіліс жер қазу жұмысын жүргізген компанияның кінәсінен болғаны айтылды.
Олардың бұл жолы не айтатыны әзірге белгісіз.
11 шілдеде Қазақстан президенті Қасым-Жомарт Тоқаев сапасыз байланыс пен интернет қызметтері үшін жазаны қатайтатын заңға қол қойды.
Тиісті түзетулер операторлардың техникалық параметрлерге сәйкес келмейтін байланыс қызметтерін көрсетуге және интернетке қолжетімділік үшін жауапкершілігін күшейтеді.