Орал автовокзалының басшысы Талғат Бисекенов "Мой город" порталына айтуынша, ресейлік әріптестері қоңырау шалып, жолаушылардың қауіпсіздігі үшін олар Самара мен Тольяттиден Оралға автобус қатынасын тоқтатып жатқанын ескерткен.
Басылымның жазуынша, бұл мұндай шешім қабылдауға Қазақстан мен Ресей шекарасындағы жағдай себеп болған.
Әріптестеріміздің айтуынша, белгісіз біреулер автобустардың бірін аударып кеткен, жүргізушілерге қауіп төніп тұр, сондықтан жолаушылардың қауіпсіздігі үшін қызмет тоқтатылды. Талғат Бисекенов
Сонымен бірге ол Орал автовокзалы да Самара мен Тольяттиге автобус қатынасын тоқтататынын, бірақ әзірге тек бір күнге – 29 қыркүйекке тоқтайтынын айтты.