Жетісу облысында 31 қазанға қараған түні Тельман – Қалпе тас жолының 8 шақырымында Mazda Cronos көлігінің қатысуымен жол-көлік оқиғасы болды. Жол апатынан жүргізуші оқиға орнында көз жұмды, тағы екі жолаушы зардап шекті, деп хабарлайды Zakon.kz.
Polisia.kz telegram арнасында жарияланған мәліметке қарағанда, 31 жастағы көлік жүргізушісі тізгінге ие бола алмай, көлік аударылған. Ол оқиға орнында көз жұмды.
Сурет: Telegram/POLICE_of_KZ
Сондай-ақ жол апатынан екі жолаушы зардап шеккені хабарланды. Олар түрлі жарақаттармен Үштөбедегі ауруханаға жеткізілді.
Ведомство өкілдері бұл жағдай бойынша қазір тергеу жүріп жатқанын мәлімдеді.