Астанада көктайғақ болады, аракідік қар жауады деп күтіледі. Күндіз оңтүстік батыстан соққан желдің екпіні 15-20 м/с құрайды.
Ақмола облысының басым бөлігінде жауын-шашын (негізінен қар) болады деп күтіледі. Облыстың батысында, оңтүстігінде, шығысында қарлы боран, көктайғақ болады деп болжанады. Облыстың батысында, оңтүстігінде тұман түсуі ықтимал. Күндіз облыстың батысында, оңтүстігінде, шығысында оңтүстік батыстан жел соғады, екпіні - 15-20 м/с.
Түнде және таңертең Алматы облысының батысында және таулы аудандарында, тау бөктерінде тұман түседі деп күтіледі. Алматыда түнде және таңертең тұман түседі. Қонаевта түнде және таңертең тұман болады деп күтіледі.
Түнде және таңертең Атырау облысының батысында, шығысында, оңтүстігінде тұман түсуі ықтимал. Атырауда түнде және таңертең тұман күтіледі.
Солтүстік Қазақстан облысының басым бөлігінде қар жауады. Облыстың солтүстігінде, батысында, оңтүстігінде қарлы боран, көктайғақ болады деп күтіледі. Түнде және таңертең облыстың солтүстік батысында тұман түсуі ықтимал. Күндіз облыстың солтүстігінде, батысында, оңтүстігінде оңтүстік батыстан жел соғады, екпіні - 15-20 м/с. Петропавлда қар жауып, көктайғақ болады деп күтіледі.
Маңғыстау облысының солтүстігінде тұман түседі деп күтіледі.
Павлодар облысының солтүстігінде, шығысында көктайғақ болуы ықтимал. Облыстың батысында оңтүстік батыстан 15-20 м/с жылдамдықпен жел соғады. Павлодар қаласында көктайғақ болады деп күтіледі.
Қостанай облысының солтүстігінде, батысында, орталығында боран, көктайғақ, тұман болады деп күтіледі. Облыстың солтүстігінде, батысында оңтүстік батыстан жел соғады, екпіні - 15-20 м/с. Қостанайда 11 қарашада таңертең және түстен кейін көктайғақ болады деп күтіледі.