"Қазгидрометтің" мәліметінше, еліміздің солтүстігінде, орталығында, оңтүстігінде алдағы үш күнде қар аралас жаңбыр жауады. Республиканың барлық аумағында бұрқасын, көктайғақ болып, тұман түседі, екпіні секундына 15-28 метр болатын жел соғады.
Қарағанды, Жамбыл облыстарында 15 қарашада жел күшейеді – секундына 30 метр және одан да жоғары.
17 қарашадан кейін жауын-шашынның тоқтауы және температуралық фонның төмендеуі мүмкін. Ауа температурасы түнде солтүстікте, солтүстік-батыста, шығыста және орталықта 10-20 градус аязға дейін төмендейді. Республиканың оңтүстігінде, оңтүстік-шығысында 2-10 градусқа дейін, таулы аймақтарда минус 10-15 градусқа дейін аяз болады.