Ведомство өкілдерінің мәліметінше, алдымен жол бойында бір бағытта келе жатқан BMW-525 пен Lada бір-біріне соғылған. Салдарынан BMW жүргізушісі тізгінге ие бола алмай, аялдаманы бұзып-жарып өткен.
Аялдамада тамақтандыру орны болған.
Оқиға салдарынан екі даяшы мен көлік жүргізушісі ауруханаға жеткізілді. Олардың жағдайы "қанағаттанарлық" деп бағаланды.
Сараптамалар тағайындалды. Оқиғаның барлық мән-жайы анықталды. Жүргізушілердің үстінен ҚР ӘҚБтК-нің 610 бабы бойынша әкімшілік хаттама толтырылды.