Күдікті 38 жастағы жергілікті тұрғын болып шықты. Бұған дейін ол қылмыстық жауапкершілікке тартылғаны анықталды.
"Ер адам Талдықорған полициясына жеткізілді", – деді Жетісу облыстық полиция департаменті бастығының орынбасары Эльдар Әбдікенов.
Тергеу ҚР Қылмыстық кодексінің 124-бабы – "Жас балаларды азғындық жолға түсіру" бойынша жүргізіліп жатыр. Ұсталған адамның басқа да қылмыстарға қатысы бар-жоғы тексеріледі.
Күдіктінің қызға тиіспек болған сәті бейнебақылау камерасына түсіп қалған.