Қозғалысты шектеу бойынша жедел ақпарат
"ҚазАвтоЖол" таратқан ақпаратқа сүйенсек, шектеу 2022 жылғы 13 желтоқсанда сағат 8.30-да енгізілді.
"Шығыс Қазақстан облысында ауа-райының нашарлауына байланысты "Өскемен – Шемонаиха – РФ шекарасы" күре жолының 105-123 шақырымдары аралығында жүк және қоғамдық автокөліктер қозғалысына уақытша шектеу енгізілді. Бұл – Шемонаиха қаласынан Ресей Федерациясының шекарасына дейінгі учаске" – делінген хабарламада.
Сондай-ақ "Қазгидромет" РМҚ синоптиктері 13-15 желтоқсан аралығында Қазақстанның төрт өңірінде ауа райы қолайсыз болатынын болжады.