"Қазгидромет" РМК ұсынған ақпарат бойынша, суық арктикалық ауамен толтырылған солтүстік антициклоны Қазақстан аумағы арқылы оңтүстік өңірлерге қарай жылжып келеді. Осыған байланысты еліміздің көп бөлігінде қатты аяз сақталады.
Синоптиктердің болжамынша, оңтүстік пен оңтүстік-шығыстың таулы аймақтарында қатты қар жауады деп болжанды.
Ауа температурасы:
- батыста түнде 27-35, күндіз 15-25 аяз;
- республиканың оңтүстік-батысында түнде 12-23, күндіз 5-15 аяз;
- солтүстік-батыста және солтүстікте түнде 32-40 аяздан 20-30 аязға дейін, күндіз 27-35 аяздан 13-22-аязға дейін;
- орталықта негізгі фон түнде 35-40, өңірдің оңтүстігінде 25-30 аяз, күндіз 20-30 аяздан 15-26 аязға дейін;
- шығыста ауа температурасы түнде 20-33 аяздан 30-43 аязға дейін, күндіз 15-23 аяздан 23-33 аязға дейін;
- оңтүстікте, оңтүстік-шығыста түнде 10-20 аяздан 20-31 аязға дейін, күндіз 8-16 аяздан 12-23 аязға дейін төмендейді.