Бірқатар БАҚ-та қарағандылықтардың 2022 жылдың желтоқсан айы үшін электр энергиясына әдеттегіден көп төлем туралы шоттар алғаны туралы ақпарат жарияланды.
ҚР ҰЭМ Табиғи монополияларды реттеу комитеті өз кезегінде Қарағанды облысында электр энергиясының тарифтері бұрын қолданыста болған деңгейде екенін хабарлайды.
Осыған байланысты, Табиғи монополияларды реттеу комитеті электр энергиясы үшін артық шот алған Қарағанды облысының тұтынушыларын ведомствоның облыстық департаментінің атына монополист-субъектіге қатысты тексеру жүргізу үшін барлық растайтын құжатпен жүгінуді сұрады. Өйткені әр жағдай жеке талдануға тиіс.
Қарағанды облысы бойынша ТМРКД мекенжайы: Қарағанды қаласы, Костенко көшесі, 6, тел / факс: 8 (7212) 41-18-27.
"Монополистердің іс-әрекеттерінде бұзушылықтар анықталған жағдайда ТМРКД өз құзыреті шегінде тиісті шаралар қабылдайды", - делінген комитет хабарламасында.