"Қазгидромет" РМК ұсынған мәлімет бойынша, елдің басым бөлігіне циклон жырасы әсер етеді, сонымен қатар атмосфералық фронтальды бөлімдердің өтуімен жауын-шашын болады.
Синоптиктердің болжамынша, елдің оңтүстігінде қатты жаңбыр жауады.
"Тек елдің оңтүстік-шығысында, оңтүстік-батысында жауын-шашынсыз ауа-райы күтіледі. Республика бойынша тұман, желдің күшеюі, ҚР солтүстігінде жаяу бұрқасын, көктайғақ, күндіз елдің оңтүстігінде найзағай болжанды"."Қазгидромет" РМК
Астана қаласы: көшпелі бұлтты, таңертең және күндіз жауын-шашын (көбінесе жаңбыр). Оңтүстіктен, оңтүстік-батыстан жел соғады, күші түнде 2-7, күндіз 9-14 м/с. Ауаның температурасы түнде -2-4°С, күндіз +2+4°С болады.
Алматы қаласы: көшпелі бұлтты, жауын-шашынсыз. Жел 2-7 м/с соғады. Ауаның температурасы түнде +6+8°С, күндіз +21+23°С болады.
Шымкент қаласы: көшпелі бұлтты, күндіз жаңбыр. Жел оңтүстік-батыстан, батыстан соғады, күші 8-13, таңертең және күндіз екпіні 15-20 м/с. Ауаның температурасы түнде +11+13°С, күндіз +20+22°С болады.