"Қазгидромет" мәліметтері бойынша, циклон ойпатының әсерінен, сондай-ақ онымен байланысты атмосфералық фронтальды бөліктердің өтуіне байланысты Қазақстанның басым бөлігінде жаңбыр мен қар түрінде жауын-шашын болады, атап айтқанда, республикамыздың шығысында қар жауса, оңтүстікте, оңтүстік-шығыста қатты жаңбыр жауады деп күтіледі. Еліміздің батысында ғана жауын-шашынсыз ауа райы сақталады.
Жамбыл облысының оңтүстік-батысында, шығысында, таулы аудандарында түнде және таңертең Түркістан өңірінің батысында, оңтүстігі мен таулы аудандарында, таңертең және күндіз Алматының таулы аудандары мен оңтүстігінде, күндіз Жетісу облысының таулы аудандарында қатты жаңбыр жауады. Күндіз Шығыс Қазақстан, Абай облыстарының солтүстігінде, шығысында қатты жауын-шашын (жаңбыр, қар) түседі деп күтіледі.