Бұл туралы "Демократия институты" ғылыми-зерттеу қауымдастығының жоба директоры Татьяна Башарина Qazaqstan телеарнасының телемарафонында айтты.
Оның айтуынша, бір тәулікте 12 мың сайлаушыдан сауалнама алынған.
Сауалнама нәтижесі мынадай:
- Amanat партиясына сайлаушылардың - 53,33%-ы;
- "Ауыл" партиясына - 11,26%-ы;
- "Ақ жол" партиясына - 8,87%-ы;
- Қазақстан халық партиясына - 6,93%-ы;
- Respulica партиясына - 8,33%-ы;
- Жалпыұлттық социал-демократиялық партиясына - 5,12%-ы;
- "Байтақ" жасыл партиясына - 2,51%-ы;
- "Бәріне қарсы" - 3,65%-ы дауыс берген.
Орталық сайлау комиссиясының алдын ала мәліметі бойынша, қазақстандықтардың 54,19 пайызы мәжіліс және мәслихат сайлауында дауыс берді.
Сайлаушылардың ең көбі Қызылорда облысында (65,70 пайыз), ал ең азы Алматыда (22,95 пайыз) дауыс берген.
Шетелдегі учаскелерінде 5 мыңға жуық қазақстандық сайлауға барған.