"Қазгидромет" РМК мәліметінше, республика аумағының батыс бөлігі төмен қысымның ықпалында болады. Соның әсерінен тұрақсыз ауа райы сақталады.
Синоптиктердің болжауынша, фронтальды бөліктердің өтуі әсерінен 29 наурызда солтүстікте, күндіз орталықта, 29-30 наурызда шығыста жауын-шашын (жаңбыр, қар) болады.
30 наурызда күндіз қалың қар жауады. 29-30 наурызда оңтүстікте, оңтүстік-шығыс аймақтарда найзағай ойнап, жаңбыр жауады.
Республикада тұман басып, жел күшейеді. Оңтүстік-батыста шаңды дауыл, солтүстік пен шығыста көктайғақ болады.
30 наурызда республиканың солтүстігінде, шығысында және орталығында ауа температурасы күндіз 5 градус аяз, 5 градус ыстыққа дейін төмендейді деп болжанды.