Бақ қызметкерлері аққулар сәтті қыстап, ботаника бағына оралғанын қуана хабарлады.
"Ерте көктемнен кеш күзге дейін аққулары бар тоған ботаника бағының барлық қонағы үшін тартымды орынға айналады. Осы орайда аққулар мен балықтарды тамақтандыруға тыйым салынғанын тағы бір рет еске салғымыз келеді!", - делінген хабарламада.
Ботаника бағындағы балықтар мен аққуларды күтіп-баптауға және азықтандыруға арнайы жалданған кәсіпқойлар компаниясы жауапты. Жануарларға күнделікті қажет кезде және қажет мөлшерде азық беріледі
"Есіңізде болсын, нан, тәтті нан, чипс сияқты қажетсіз тағамдар аққулар мен балықтардағы артық салмаққа, ас қорыту жүйесінің бұзылуына және басқа да денсаулық проблемаларына әкелуі мүмкін. Өсімдіктерге ғана емес, жануарларға да қамқорлық жасайық", - деді бақ қызметкерлері.