2-4 сәуір аралығында Жамбыл облысының оңтүстігінде, таулы аймақтарда тұман болуы мүмкін. 2-3 сәуірде түнде аяз сақталып, сынап бағаны 1-6 °C көрсетеді, ал 4 сәуірде сынап бағаны 2 градусқа дейін төмендейді деп күтіледі. Тараз қаласында да 2-4 сәуір аралығында тұман болады. 2-3 сәуір аралығында солтүстік-шығыстан соққан желдің екпіні 15-тен 20 м/с-қа дейін, кей тұста 23 м/с дейін жетеді.
Ақмола облысының оңтүстігі мен батысында шығыстан, оңтүстік-шығыстан соққан желдің екпіні 15-20 м/с құрайды.
Алматы облысында солтүстік-батыстан солтүстік-шығысқа ойыса жел соғады. Облыстың таулы аймақтарында, сондай-ақ облыстың солтүстігі мен шығысында соққан желдің желдің екпіні 25 м/с дейін барады, ал орташа жылдамдығы 15-20 м/с құрайды.
Алматыда 2 сәуірде түнде 1-ден 3 градусқа дейін, ал Қонаевта 3-тен 5 градусқа дейін аяз болады деп күтіледі.
Атырау облысының солтүстігінде, шығысында, оңтүстігінде 2 сәуірде 15-20 м/с жылдамдықпен солтүстіктен, солтүстік-шығыстан қатты жел соғады деп күтіледі.
Қызылорда облысының орталығында шаңды дауыл тұрады. Өңірде шығыстан соққан желдің екпіні 15-20 м/с , ал облыстың орталық бөлігінде 23-28 м/с дейін жетуі мүмкін.
2-4 сәуір аралығында Жетісу облысының Алакөл ауданында 17-22 м/с жылдамдықпен және кейде 30 м/с астам екпінмен солтүстік-шығыстан, шығыстан қатты жел соғады деп күтіледі.
Жетісу облысының шығысында және солтүстігінде 17-22 м/с жылдамдықпен солтүстік-шығыстан жел соғады, түнде ауа температура күрт төмендеп, 2-7 градус суық болады.
Түркістан облысының таулы аудандары мен және тау бөктерінде таңертең және түстен кейін найзағай ойнайды деп күтіледі, ал өңірдің солтүстігінде және таулы аудандарда 2 градусқа дейін аяз болады. Күндіз Шымкент қаласында да найзағай ойнауы мүмкін.
Қарағанды облысының оңтүстігінде 15-20 м/с жылдамдықпен шығыстан, солтүстік-шығыстан қатты жел соғалы, кей тұстарда оның екпіні 23 м/с дейін жетуі мүмкін.
Ұлытау облысының батыс бөлігінде түнде шығыстан соққан желдің екпіні 15-20 м/с, ал күндіз желдің жылдамдығы 15-20 м/с, кей тұста 23 м/с дейін жетеді. Жезқазған қаласында 2 сәуірде шығыстан соққан желінің екпіні 15-20 м/с, кей тұстарда 23 м/с дейін жетеді деп күтіледі.
2 сәуірге қараған түні Маңғыстау облысының басым бөлігінде жаңбыр жауады деп болжанады. Солтүстік-батыстан оңтүстік-шығысқа ойыса жел соғады. Облыстың батыс, солтүстік және шығыс бөліктерінде соққан желдің екпіні 15-20 м/с болады деп күтіледі.
Ақтөбе облысының орталық бөлігінде күндізгі уақытта шығыстан соққан желдің екпіні 15-20 м/с құрайды.
2 сәуірде түстен кейін Батыс Қазақстан облысының шығысында оңтүстік-шығыстан, шығыстан соққан желдің екпіні 15-20 м/с құрайды.
Солтүстік Қазақстан облысының солтүстігінде, оңтүстігінде және шығысында оңтүстік-шығыстан соққан желдің екпіні 15-20 м/с болады деп күтіледі, Петропавл қаласында 2 сәуірде оңтүстік-шығыстан соққан желдің екпіні 15-20 м/с болады деп болжанады.
