Жалпы облыс бойынша 2022 жылға көлік құралдарына салық түрінде жалпы сомасы 7,3 млрд теңгені құрайтын 444 246 көлік құралына салық салынды. Жеңілдікті санаттағы 12 747 жеке тұлғаға көлік құралдарына 277,3 млн.теңге, 15989 жеке шаруа қожалықтарына 351,2 млн.теңгеге көлік құралдарына жеңілдік қарастырылған.
Жалпы 2022 жылы Алматы облысында жергілікті бюджетке жеке тұлғалардан көлік құралдарына 6,2 млрд теңге салық түскен. 2023 жылдың бірінші тоқсанында жеке тұлғалардан көлік құралдарына салық түсімі 3,6 млрд теңге болды.
Осыған байланысты облыстық мемлекеттік кірістер департаменті облыс тұрғындарынан көлік салығын 3 сәуірден кешіктірмей төлеуді сұрады. Бүгін, яғни соңғы күні төлесе, айыппұл болмайды.
"Салық берешегі өтелмеген жағдайда 3 сәуірден кейін хабарлама жіберіледі. Хабарлама жіберілгеннен кейін 30 жұмыс күні ішінде төлемесеңіз, салықтық ұйғарым жасалады, жіберіледі. Сот орындаушылары банк шоттарын бұғаттап, жылжымалы және жылжымайтын мүліктеріңізге шектеулер енгізеді", - деді МКД.
Сонымен қатар олар 40 АЕК (121 440 теңге) салық берешегі болса, Қазақстаннан шығуға шектеу қойылатынын атап өтті. Сонымен қатар қамауда көліктерді тасымалдау туралы шешім қабылданады.
