"Маңғыстау облысы, Мұнайлы ауданы, Баянды ауылы" деп басталады видеоның астындағы сипаттама.
Блогер, видеографтың айтуынша, Баянды ауылының маңында бүкіл Ақтау мен Маңғыстау облысының халқы ең тығыз орналасқан ауданынан (Мұнайлы ауданы) тұрмыстық қалдық төгіліп, сұрыпталатын полигон бар.
"Өкінішке қарай, далада шашылып жатқан осы қоқыстың барлығы - шенеуніктердің ғана емес, қоғамымыздың да қоршаған ортаға деген немқұрайлы көзқарасының салдары. Өйткені жұртшылық мүдделі болса, дұрысын сұраса, мұндай сұмдықтың алдын алуға болар еді. "Біз тастаған қоқыс қайда кетеді?" "Полигон неге қоршалмаған?" "Неліктен қарапайым экологиялық нормалар мен талаптар сақталмайды?" "Неліктен целлофан пакеттер біздің жерімізде, кең-байтақ аумақтарда саңырауқұлақтай өседі?"Азамат Сәрсенбаев
""Бізге не болды?" деп аяқтады сөзін Азамат Сәрсенбаев.
Желі қолданушылары видеоны көріп, шошып кетті:
- Осыны істеп отырған адамдарға "Әкімдік кінәлі" дей салған оңай болып тұр ғой. Көшеде кетіп бара жатып, пакет-макет - бәрін лақтыра салады
- Біздің даланы пластик билейді;
- Бүкіл Қазақстанда осындай. Бұл өзегіне дейін ұят. Менің ойымша, бәрі үйден, отбасынан басталады;
- Таныстардың 80%-ы пластмасса, шарлар, бір рет қолданылатын ыдыс-аяқ және тағы басқаның зияны туралы ойламайды да;
- Әр адам табиғатты, жануарларды ойлауды, қорғауды бастауы керек!
- Бейшара менің жерім.
Азамат Сәрсенбаев 5 наурызда парақшасында Қазақстандағы бірегей табиғи орындардың бірі - Торыш шар алқабынан видео жариялады.