Жалпы 2022 жылдың қорытындысы бойынша Қазақстанда жалпы өлім-жітім көрсеткіші 29% төмендеп, 1000 тұрғынға шаққанда 6,77 болды. Қан айналымы жүйесі ауруларынан болатын өлім-жітім 32,7%, қатерлі ісіктен - 7,9%, жарақаттан - 5,3% төмендеді.
Ана өлімі 2021 жылмен салыстырғанда 3 есеге төмендеп, дүниеге келген 100 мыңның 17,0-іне тең болды. Сәбилер өлімі 4,6% төмендеп, дүниеге келген 1000-нан 7,97 құрады.
"Халық денсаулығы көрсеткіштеріндегі оң өзгерістер өмір сүру ұзақтығының өсуіне әсер етті және тарихи маңызға – 4,44 жасқа қол жеткізудің кепілі болды. Ол пандемияға дейінгі ӨЖС деңгейінен 1,26 жасқа асып түсті. 2019 жылы көрсеткіш 73,18 жас болған еді", - делінген министрлік хабарламасында.
Өмір сүру ұзақтығының өсуіне экономиканың дамуы, әлеуметтік әл-ауқат, оның ішінде денсаулық сақтаудың дамуы, сонымен қатар халықтың саламатты өмір салтын ұстануы сияқты факторлар әсер етеді.