Батыс Қазақстан облысы полиция департаментінің хабарлауынша, 21 жастағы тұрғынның жүргізуші куәлігі болмаған және бір күнде қала орталығында жылдамдықты 13 рет асырып айдап, жол ережелерін бұзған. Айыппұлдардың жалпы сомасы - 310 мың теңге.
ҚР Әкімшілік құқық бұзушылық туралы кодекстің 592-бабы бойынша 21 жастағы азаматқа әкімшілік хаттама толтырылды.
Барлық құқық бұзушылық "Призма-Stos" автомат жүйесімен тіркелді. Полиция қызметкерлері "Suncarsmartcity" бейнебақылау жүйесі арқылы жүргізушіні ұстады. Көлік құралы айыппұл тұрағына қойылды.