Жеңіс даңғылындағы Екінші дүниежүзілік соғыс жауынгерлеріне арналған монументалды кешенге гүл шоқтарын қою рәсіміне Қорғаныс министрі генерал-полковник Руслан Жақсылықов қатысты.
Қазақстан жауынгерлерінің ерлігіне құрмет көрсету үшін монументке Қорғаныс министрлігінің басшылығы, Ақмола гарнизонының әскери қызметшілері, Қарулы күштер мен жергілікті соғыстардың ардагерлері, тыл еңбеккерлері, "Жас сарбаз" балалар-жасөспірімдер әскери-патриоттық қозғалысының тәрбиеленушілері келді.
Іс-шараға қатысушылар қаза тапқан батырларды бір минут үнсіздікпен еске алды.
Рәсім соңында Қорғаныс министрі генерал-полковник Руслан Жақсылықов жиналғандарды Жеңіс күнімен құттықтады. Министр 9 мамыр - әлемді фашизмнен қорғап қалған ұрпақтың ерлігін еске алып, ризашылық білдіретін күн екенін айтты.
