Оның айтуынша, тамыз айында көлге іргелес аумақта абаттандыру жұмыстары басталатындықтан, су толтырылмайды.
"Құрылыс-монтаж жұмыстарын ескере отырып, биыл жағажайды ашу жоспарда жоқ. Қалалықтардан кешірім сұраймыз. Бір жыл сабыр сақтауды сұраймыз. Келесі жылы бұл аумақ абаттандырылады, демалуға ыңғайлы орындар пайда болады", – деп түсіндірді Алматы қаласы экология және қоршаған ортаны қорғау департаменті бастығының орынбасарының міндетін атқарушы Сергей Герасименко.
Құрылыс жұмыстары аяқталғаннан кейін су толтырылады. Жоба әзірленіп, мемлекеттік сараптаманың қорытындысы да алынды. Алдағы екі айда құрылыс жүргізуге тендер өтеді.
