Батыс Қазақстан облысы полиция департаменті баспасөз қызметінің мәліметінше, 17 мамырда сағат 10:20 шамасында Назарбаев даңғылында "Типография" аялдамасына қарама-қарсы жерде "Лада Калина" көлігінің жүргізушісі 1980 жылы туған жаяу жүргіншіні қағып кеткен.
"Ол жаяу жүргіншілер жолағынан өтіп бара жатқан. Апат салдарынан зардап шеккен әйел ауруханаға жеткізілді". Батыс Қазақстан облысы полиция департаментінің баспасөз қызметі
Аталған факті бойынша ҚР Қылмыстық кодексінің 345-бабының 1-бөлігі "Жол жүру ережелерін бұзу" бойынша сотқа дейінгі тергеу амалдары жүргізіліп жатыр.