Журналистер Білім министрі Ғани Бейсембаевтан ұзартылған оқу жылының қосымша күндерінде кейбір мектептерде сабақтың орнына жатар кезде киетін киімде бейресми кездесулер немесе флэшмобтардың ұйымдастырылуына қалай қарайтынын сұрады.
"Оқудың орнына әртүрлі іс-шараларды ұйымдастыру туралы, менің ойымша, бұл фейк ақпаратқа көбірек ұқсайды, өйткені барлық мұғалім мен мектеп директорлары оқу жылын ұзарту жай-жайдан орын алмағанын, сонымен қатар оқу бағдарламалары орнына тиіптік оқу жоспарларын енгізумен қатар жүретінін жақсы біледі. Егер бұрын оқу жылы 34 апталық болса, ал қазір - 36 апта, демек сабақ тақырыптары да, бағдарлама да осы уақытқа сәйкес құрастырылған". Ғани Бейсембаев
Сондай-ақ ол жуырда кездесу болатынын, онда өзіне ел мектептерінде білім беру бағдарламасы стандарттарының қалай сақталып жатқаны бойынша есеп берілетінін айтты.
"Алдын ала маған барлық мектепте мемлекеттік стандарт орындалатыны баяндалды. Бірақ кейбір мектептерде ғана қандай да бір себептерге байланысты сабақтар басқа дүниелермен ауыстырылған болуы мүмкін. Қазір, өзіңіз айтып отырғандай, жатарда киетін киімдегі кездесулер, флэшмобтар немесе басқа да іс-шаралар. Егер мұндай жағдайлар болса, маған бұл туралы міндетті түрде есеп беріледі". Ғани Бейсембаев
Қазақстандық оқушылар үшін биыл оқу жылы ұзартылды. Осы жылдан бастап мектептердегі "соңғы қоңырау" 31 мамырда соғылып, ал жазғы демалыс 1 маусымнан бастап басталады.
