Қазақстанның үш қаласында 27 мамырда зиянды заттардың шоғырлануы күшейеді. Сенбі күні Алматы, Ақтөбе және Петропавл тұрғындары үшін ауа райы қолайсыз болады. Бұл туралы "Қазгидромет" мамандары хабарлады.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Бұл аз уақытқа созылатын, бірақ атмосфералық ауаның сапасына және халықтың денсаулығына айтарлықтай теріс әсер етеді.