2022 жылдың соңында ел аумағында 172 санаторлы-курорттық ұйым болды, оның ішінде 109 –санаторий, 27 – оңалту орталығы, 9 –профилакторий, 7 – мамандандырылған және басқа да санаторийлер.
Сауықтыру ұйымдарының басым бөлігі жеке бизнеске тиесілі – 127, мемлекетке – 42, шетелдік меншікте – 3.
Шипажайлардың 66-сы қала аумағында болса, 106-сы ауылды жерде орналасқан. Курорттық ұйымдардың саны бойынша Түркістан облысы көш бастап тұр. Онда 72 ұйым жұмыс істейді.
Одан әрі Ақмола облысы – 13, Алматы қаласы мен Қызылорда облысында – әрқайсында 11 демалыс орнынан.
Былтыр шипажайларда 380 мың адам сауықса, оның 60%-ы – әйелдер.