"Қазгидромет" РМК мәліметі бойынша, республиканың басым бөлігінің ауа райы атмосфералық фронтальды учаскелер әсерінен анықталады. Найзағай ойнап, қысқа мерзімді жаңбыр жауады. Республиканың оңтүстігінде, оңтүстік-шығысында және шығысында бұршақ жаууы мүмкін.
"30 мамырда Шығыс Қазақстанда, 1 маусымда Батыс Қазақстан мен Атырау облыстарында қатты жаңбыр жауады", - деп хабарлады синоптиктер.
Мамандардың болжамына сәйкес, тек Қызылорда және Ұлытау облыстарында антициклонның екпінімен ауа райы жауын-шашынсыз болады. Сонымен қатар республика бойынша жел күшейіп, республиканың оңтүстік-батысында және оңтүстігінде шаңды дауыл болады.
Күндізгі ауа температурасы:
- батыста және солтүстік-батыста 28-36 градус жылы;
- солтүстікте, оңтүстік-шығыста және орталықта 25-35 градус жылы;
- оңтүстікте 32-37 градус жылы,
- шығыста біртіндеп 20-28 градус ыстыққа дейін көтеріледі.
