Мемлекет басшысы Қасым-Жомарт Тоқаев Мемлекеттік рәміздер күніне орай Twitter-дегі парақшасында құттықтау жариялады.
"Барша отандасымды Мемлекеттік рәміздер күнімен құттықтаймын! Еліміз үшін Көк байрағымыздың, Елтаңбамыз бен Әнұранымыздың мән-маңызы айрықша. Бұл құндылықтар бойымызға зор мақтаныш және жауапкершілік сезімін ұялатады. Мемлекеттік рәміздерді қадірлеу – әр азаматтың қастерлі парызы!" - деп жазылған құттықтауда.
Бүгін, 4 маусым – Қазақстанның мемлекеттік рәміздері күні. 1992 жылғы 4 маусымда Қазақстанның мемлекеттік рәміздері алғаш рет бекітілді. Мемлекеттік рәміздерге Ту, елтаңба және әнұран жатады.