Оның айтуынша, 2022 жылдың желтоқсанында Алатау ауданы, Мәдениет ықшамауданындағы 1500 орындық жаңа мектептің құрылысына байланысты соңғы үш ауысымда оқитын №196 мектеп таратылған.
"Мемлекет басшысы орын тапшылығы мәселесін түбегейлі шешу үшін "Жайлы мектеп" Ұлттық жобасын жүзеге асыруды қолдап, 2030 жылға дейін бір ауысымдық оқытуға көшуді қамтамасыз етуді тапсырды".Ләззат Жылқыбаева
"Жайлы мектеп" ұлттық жобасы аясында Алматыда 37 100 оқушыға арналған 22 мектеп салу жоспарланып отыр. Сонымен қатар 5570 орындық 11 нысан енгізіледі, оның ішінде:
- бюджет есебінен 1500 орындық бір мектеп (Қайрат шағын ауданы);
- 920 орынға төрт нысан (No 48, No 148, No 112, ШИ No 9);
- 3150 орындық алты жекеменшік мектеп ашу көзделген.
Бұған дейін Алматыда балаларды 1-сыныпқа тіркеу 2023 жылдың 1 сәуірінен басталып, 1 тамызға дейін жалғасатыны хабарланған еді. Мемлекеттік орта білім беру ұйымдарында қабылдау электронды үкімет порталы арқылы онлайн режимінде жүзеге асады.