Ағаштар тоқтап тұрған көліктерге құлаған. Салдарынан кейбірінің терезелері сынған. Бұл туралы КТК арнасы хабарлады. Шенеуніктер көлік иелеріне сотқа жүгінуге кеңес берді.
"Алматының Экология және қоршаған ортаны қорғау департаментінің бөлім басшысы Нұрлан Құтыбаевтың айтуынша, бүлінген көліктерге келтірілген шығынды өтеуге қатысты әр іс жеке қаралады. Бұл мәселелерді шешу үшін сотқа жүгіну қажет. Сот шығынды қарастырады".
Жел көліктерді ғана емес, ғимараттардың қасбетін де зақымдады. Алматыдағы үйлердің бірінде сылақ опырылып түскен. Үй небәрі алты жыл бұрын пайдалануға берілген. Дауылдан ойын алаңдары да бүлінген.
Қалада барлығы 32 ағаш құласа, оның 13-і ескі.
Құтқарушылар қатты жел болған жағдайда көшеге шықпауға және көлікті ағаш түбіне қалдырмауға кеңес берді.