ҚР Экология және табиғи ресурстар министрлігінің мәліметінше, министр ержүрек азаматтарға ҚР Төтенше жағдайлар министрлігінің "Өртте көрсеткен қайсарлығы үшін" медалін табыс етті.
Марапатталған азаматтар:
- "Семей орманы" мемлекеттік орман табиғи резерватының мемлекеттік инспекторы Советов Қанат Талғатұлы;
- "Семей орманы" мемлекеттік орман табиғи резерваты Батпаев орман шаруашылығының өрт сөндіру көлігінің жүргізушісі Дюсеханов Едил Кайратович;
- "Семей орманы" мемлекеттік орман табиғи резерваты Бегенев филиалының тракторисі Мухамеджанов Мұрат Жолдасбайұлы.
Сонымен қатар, іс-шара барысында жоғары кәсіби қабілеті және су шаруашылығын дамытуға қосқан жеке үлесі үшін Министрліктің және ведомстволық бағынысты ұйымдардың үздік мамандары "Су шаруашылығының үздігі" төсбелгісімен және Министрліктің Құрмет грамотасымен марапатталды.
Абай облысындағы "Семей орманы" резерваты аумағында 2023 жылғы маусым айында алапат өрт болды. Ол 14 адамның өмірін қиды. ҚР Экология министрі Зүлфия Сүлейменова бұл қайғылы оқиға үшін жауапкершіліктен жалтармайтынын айтты.