Оқиға 20 шілде күні сағат 22:45 уақыт шамасында "Самара-Шымкент" тас жолының 415-шақырымында болған. 1984 жылғы Ш есімді жүргізуші "Ниссан Тиана" маркалы автокөлімен жолға шыққан жылқы үйіріне соқтығысқан.
Жол апаты салдарынан 1983 жылғы К есімді жолаушы оқиға орнында көз жұмды.Жүргізуші мен жолаушы Ақтөбе облысының тұрғындары.
Сурет: БҚО полиция департаменті
Аталған факті бойынша ҚР Қылмыстық кодексінің 345-бабының 3-бөлігі бойынша сотқа дейінгі тергеу амалдары жүргізіліп жатыр. (Жол қозғалысы ережелерін бұзу)
Қазіргі уақытта малды қараусыз қалдыру дерегі бойынша әкімшілік хаттама толтыру үшін малдың иесін іздестіріліп жатыр.