Almaty.tv сайтының жазуынша, 31 шілдеде жалпы ұзындығы 3,4 шақырым болатын жаңа құбырларды сынақтан өткізу жоспарланған, ал Наурызбай ауданына қарасты "Акбар" шағын ауданында су құбырының жаңа тармағы мен сорғы станциясы жұмыс істей бастайды.
Сонымен қатар Наурызбай өңірінің инженерлік инфрақұрылымын дамыту жұмыстары жалғасын табады.
Мәселен, бүгінде 130 шақырым су құбыры, 65 шақырым кәріз желісі тартылды. Биыл Қарғалы өзенінде жаңа сүзгі стансасының құрылысы аяқталады. 2025 жылға дейін Ақсай өзеніндегі осындай сүзгі стансасының құрылысын аяқтау жоспарланған. Бұл шаралар Наурызбай ауданының 150 мың тұрғынын тұрақты сумен қамтамасыз етуге мүмкіндік береді.
Еске салсақ, Алматының Наурызбай ауданында мұздықтардың тез еруінен тау өзендерінде сел жүріп, су жинау шектелген.