Жамбыл облысы Жамбыл аудандық соты "Бөтеннің малын жасырын жымқыру" (Қылмыстық кодекстің 188-1б. 3б 1т.) бойынша айыпталған Д.-ға қатысты қылмыстық іс қарады.
2023 жылдың мамыр айында Қаракемер ауылында сотталушы Д. "Т." шаруа қожалығының аумағынан 6 жылқыны заңсыз жымқырып, жәбірленуші А.-ға жалпы құны 3 700 000 теңге материалдық залал келтірген.
"Өзінің жазасыздығын түсініп, 2023 жылдың маусым айында тағы да 13 бас жылқыны жымқырып, жәбірленуші П.-ге жалпы құны 6 740 000 теңгеге материалдық залал келтірген. Күдікті жәбірленушілерге барлығы 10 440 000 теңге сомада залал келтірген", - делінген Жамбыл облыстық соты таратқан хабарламада.
Прокурор сотталушы Д.-ға 5 жыл бас бостандығынан айыру жазасын тағайындауды сұрады.
Жәбірленушілер келтірілген залалдың толық өтелуіне байланысты сотталушыға бас бостандығынан айыру түріндегі жаза тағайындамауды сұрады.
Д. кінәсін толық мойындады.
Сот үкімімен Д.-ға 5 жылға бас бостандығынан айырылды, ол жазасын орташа қауіпсіздік мекемесінде өтейді. Үкім заңды күшіне енген жоқ.