"Жұмылдырылған күштер мен құралдар жүргізген инженерлік және су сору жұмыстарының нәтижесінде Жетісу облысының елді мекендерінің аулалар мен олардың маңындағы су кетті. Жалпы 3 456 текше метр су сорылды". Жетісу облысы төтенше жағдайлар департаментінің баспасөз қызметі
Құтқарушылар тұрғындарға аула аумақтарын қоқыс пен балшықтан тазартуға көмектесіп жатыр.
Эвакуациялау пунктінде 16 адам, оның ішінде 7 бала бар.
"Қазгидрометтің" болжамына сәйкес, 13 тамызда түнде Жетісу облысының оңтүстігінде, таулы аудандарында нөсер жаңбыр жауады. Облыстың оңтүстігінде, таулы аудандарында найзағай ойнап, күндіз бұршақ жауады, дауыл болады.
Солтүстік-батыстан жел соғады, облыстың оңтүстігінде, шығысында, таулы аудандарында екпіні 15-20, кей уақытта 25-28 м/с-қа дейін жетеді.
Еске салайық, Жетісу облысында толассыз жауған жаңбырдан Үштөбеге баратын жолды су басып, Ешкіөлмес ауылында су тасқыны болды, Талдықорғанның орталық көшелерін де су басып қалды. Оқиға орнында облыс басшылығы бастаған штаб жұмыс істеп жатыр.
