Жедел-іздестіру шараларын жүргізу барысында Түркістан облысы мен Шымкент аумағында интернет-алаяқтықтың 10 дерегіне қатысы бар тұрғын анықталды.
Күдікті әлеуметтік желіге "вахталық жұмысқа тұрғызып беремін" деген жарнама салып, жәбірленушілердің сеніміне кірген.
Содан тұрғындардың ақшасын алып, өзінің таныстарының есепшотына аудартып отырған. Келтірілген шығын 1,2 млн теңге болды.
Аталған жайт ҚР Қылмыстық кодексінің 190-бабы 2-бөлігі "Алаяқтық" бойынша тіркелген. Сотқа дейінгі тергеу амалдары жүргізіліп жатыр.