Бұл туралы Әлихан Смайылов Қарағанды облысындағы "АрселорМиттал Теміртау" АҚ "Қазақстан" шахтасында апат салдарынан қаза тапқан кеншілердің отбасымен кездесуінде айтты.
Кездесу барысында кеншілер үшін зейнеткерлік жасты төмендету мәселесі көтерілді.
Оның сөзінше, қазіргі уақытта кеншілерге ертерек – 55 жастан бастап зейнетке шығуға мүмкіндік беретін заңнамалық өзгерістер енгізіліп жатыр.
Әлихан Смайылов Қарағанды облысына барып, "Қазақстан" шахтасында жоғалып кеткен және осындағы апат салдарынан қаза тапқан кеншілердің отбасымен кездесті, сондай-ақ әкімдік пен орталық мемлекеттік органдар басшылығымен жедел кеңес өткізді.