Түркістан облысында Сырдария өзенінде 11 адам суға батып кетті

Түркістан облысы Отырар ауданында Сырдария өзенінің бойында автокөлік көпірінің маңында 11 адам суға батып кетті, деп хабарлайды Түркістан облысының Төтенше жағдайлар департаменті.

Otyrar.kz-тің хабарлауынша, төтенше жағдайлар департаментінің қызметкерлері судан 6 адамның денесін шығарды, олардың жасы анықталып жатыр.

Қазір бес адам іздестіріліп жатыр.

Оқиға орнына 144 адам, 16 техника, 6 жүзу құралы және дрон жұмылдырылды.