Бородулиха ауданындағы Семей – РФ трассасының 37-шақырымында Daewoo Espero автокөлігін мінген 24 жастағы жүргізуші 26 жастағы азамат тізгіндеген Toyota camry көлігіне соғылған.
Жол-көлік оқиғасы салдарынан Toyota camry көлігіндегі тұрғын сол жерде қайтыс болды. Оның екі баласы түрлі жарақатымен ауруханаға жеткізілген.
Аталған факт бойынша ҚР Қылмыстық кодексінің 345-бабы 3-бөлігіне ("Адам денсаулығына абайсызда ауыр зиян келтіруге әкеп соққан көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы") сәйкес сотқа дейінгі тергеп-тексеру басталды.