Референдум өтетін күн кейінірек белгіленеді, бірақ ОСК қазірдің өзінде дайындықты бастап кеткен.
"Барлық қажетті дайындық жұмыстарын, соның ішінде сайлаушылар тізімін жасау, аумақтық сайлау комиссиялары атқаруы тиіс жұмыстарды жүргізу, бәрін жоспарлы режимде жүргізуге дайынбыз", – деді Шавкат Өтемісов.
ОСК мүшесі Қазақстанда атом электр стансасын салу бойынша референдум нақты қашан өткізілетіні әлі белгісіз екенін айтты.
"Бұл жөнінде бізде ешқандай ақпарат жоқ". Шавкат Өтемісов
Шавкат Өтемісов референдум биыл өтетін болса, ОСК мұндай шешімге дайын екенін атап өтті.
Қасым-Жомарт Тоқаев 2023 жылғы 1 қыркүйектегі жолдауында АЭС салу мәселесіне қатысты түпкілікті шешім референдум арқылы қабылданатынын айтты.
